الحب هو اجمل حاجه موجوده فى حياتنا

انا حبيت اول موضوع نتكلم فيه يكون هو ( الحب)
طبعا كل الشباب والبنات مهمتمين جدا بالموضوع ده لانه بيشغل بال كتييييييير مننا
علشان كده انا فكرت فى الموضوع ده .. كل اللى هنعمله ان اى حد عنده تجربه
سواء كانت ناجحه او لا قدر الله فاشله يكتبهالنا علشان كله يستفاد منها
ولو حد عنده ايضا مشكله وعايزنا نشاركه فى حلها يكتبهالنا وان شاء الله نحلها مع بعض
ويبقى فيه اكتر من حل قدم صاحب المشكله و يقدر يختار الحل الى يناسبه
عايزين نجرب مع بعض الموضوع ده وان شاء الله يساعد ناس كتير ويعجبكوا كلكم
(محمد..)

موضوع جامد جدااااااااااااا
وان شاء الله المنتدى ده يبقى اجمد منتدى موجود عى النت
فى اقل من شهر
بيبو

موضوع جامد يامحمد ومش عيب ان الواحد يحب من طرف واحد الغلط انه يستمر في الحب ده لانه هيبقي محكوم عليه بالفشل وده رأيي...

ايوه طبعا مش عيب ان حد يحب من طرف واحد وانا ماقلتش انه عيب ولا اتكلمت عنه فى الموضوع اللى كاتبه خالص
انا قلت لو حد عنده تجربه كويسه ونجحت يقولهالنها
لو حد عنده تجربه فشلت بروا يقولها علشان كله يستفاد
لو انتى يا امنيه حصلك قبل كده وحبيتى من طرف واحد بقى مش مشكله ممكن تقولهالنا واحنا ان شاء الله نساعدك
ونقولك كمان ممكن تكملى ولا تنسى الموضوع ده من دماغك ااااااااااوك؟؟؟؟؟؟ هنستنى منك موضوع بقى لو فييييييييييه؟

اكيد فى حاجة اسمها حب فى زمنا ده لكن للأسف مش كل الناس بتلاقيه انما مانقدرش ننكر وجوده هو بس بقى فيه شوية عيوب زى مثلا انه بقى ممكن يتنسى بسرعة او يتبدل او يتغير طبعا هاتقول ان ده مش حب لكن احنا اصلا مش بنديله فرصة انه يكبر و يتحول من مجرد اعجاب لحب حقيقى لان كلنا عايزين شريك تفصيل على مقاسنا بالضبط و ده طبعا عمره ما هايحصل وعلى فكرة كلنا بندور عليه زيك لكن انا على الاقل مش هيأس و ربنا يرشدنى
مع تمنياتى انك تلاقى الحب اللى انت بتدور عليه

اول حاجه ميرسى على مرورك وتعليقك على الموضوع يا كريم
وكل كلامك ده صح بس فيه حاجه عايز كله يعرفها
انا والله العظيم كتبت الموضوع ده علشان كلنا نتناقش فيه علشان بجد موضوع مهم وبشغلنا كلنا
واكيد كلنا فى جامعات وفيه ناس فى مدارس وعارفين الكلام ده كويس
بس عايز اوصلكم ان انا الحمد لله مش عندى مشكله ولو عندى كنت كتبتها اول واحد يعنى انا مش كاتب الموضوع ده علشان
بدور على حد احبه زى ما انت قلت
او علشان بحب من طرف واحد زى امنيه قبل كده ما قالت ولو فيه كنت والله كتبتها بس انا الحمد لله مش عندى مشكله خالص حاليا
ياريت لو حد عنده مشكله يكتبها او يكتب تعليق على الموضوع من غير ما يتكلم عن صاحب الموضوع انا كتبته ليكوا انتوا اصلا مش علشان مشاكلى انا بس لو عندى مشكله برضوا هناقشها معاكوا (محمد)

اول حاجه عايزه اقولك المنتدى جميل اوى يا ميدو وموضوع الحب ده جامد اوى بجد يا محمد وانا عندى مشكله وعايزه اتناقش فيها هنا
المشكله يا محمد ان فيه واحد بيحبنى من زمايلنا وانت عارفه لانه صاحبك بس مش هقولك مين هو المهم ان انا متاكده انه بيحبنى
بس انا مش بحس اى حاجه من ناحيته وهو كلمنى كتير وانا فكرت كتير ومش حاسه حاجه ناحيته وتقريبا كمان علشان انا معجبه بحد تانى ومن زمايلنا هو كمان بس ولا انا قلتله حاجه ولا هو قالى حاجه ومش عارفه هو معجب بيا ولا لاء وانا مش قادره اعرف
وخايفه كمان لو طلع هو كمان معجب بيا وارتبطنا يحصل مشكله بينه وبين الاولانى اللى قلتلك عليه وطبعا كلنا اصحاب يعنى هما الاتنين اصحاب وهما الاتنين اصحابك انت كمان وخايفه كمان ان الاولانى يعملى انا مشكله لو ارتبط بحد غيره يقول اى حاجه يعنى علشان يخلى الموضوع مايكملش
اعمل ايه بقى مع الاول ده
وازاى اعرف التانى ده معجب بيا ولا لاء وانا اقوله ولا اعمل ايه؟؟؟؟؟؟؟؟؟؟؟؟؟؟؟؟؟؟؟

طلب تانى يا محمد ياريت تعملنا جروب على المنتدى لو ينفع يعنى ويبقى فيه اصحابنا من الكليه بس وماحدش تانى من بره يقدر يشوفه غيرنا وبس يعنى تعمله باسورد وماحدش يعرفه غيرنا وبابقى اصحابنا من الكليه الى موجودين هنا.....

طبعا اول حاجه عايز اقولك نورتى المنتدى يا ندى
الموضوع بقى بتاعك انا عارف ايوه انه فيه واحد بيحبك وبيحبك بجد وهو اللى قالى على الموضوع اصلا يعنى انا عارف هو مين من غير ما انتى تقولى بس انا عارف وهو كمان على فكره عارف انك مش بتفكرى فيه خالص
وعارف انه كلمك فى الموضوع ده كتير بس انتى غلطانه فى انك مش بتنهى الموضوع معاه هو لسه عنده امل
وانتى كده هتخليه يتعلق بيكى اكتر لو متاكده انك مش هتقدرى تحبيه يبقى لازم تتكلميه وتفهمه ده وتنهى الموضوع خالص علشان على الاقل هو يلغى الموضوع من دماغه لانه متعلق بيكى اوى فانتى لو هتقدرى تحبيه وتفهموا بعض انصحك ترتبطى يه لانه بيبحك جدا مش هتعرفى تحبيه يبقى كلميه من دلوقتى وسيبوا بعض وهو هيفهم على فكره ومش هيضايقك وانا متاكد من ده
وممكن انا اكلمه كمان لو عايزه يعنى لو ارتبطى بحد تانى او كده ماتخفيش بس انتى اقعدى معاه وكلميه وانهى الموضوع لو مش هتقدرى تحبيه علشان مش تظلميه كده
اما التانى ده بقى انا مش عارف هو مين واول مره اعرف منك انك معجبه بحد علشان كمان عاااااااارف انك لو معجبه بحد ماكنتيش هتقولى هستينى لحد ما هو اللى يقولك وهو اللى يعرف الناس يعنى مش انتى اللى هتقولى انك معجبه بحد
بس مش مشكله طبعا انك تكونى معجبه بحد بس لازم تعرفى الاول هو كمان مشاعره ايه وطبعا ده تعرفيه من تصرفاته
يعنى وهو بيتكلم معاكى بيهتم بيكى كده يعنى الحاجات ديه ولو مش قادره تعرفى ده ممكن تلمحيله بقى مفيش مشكله علشان ممكن يكون هو الى خايف يقلوك مثلا
ولو هو كمان بيحبك اكيد هيوقلك على طول او ما تلحيله ولو مش بيبحك يبقى خلاص انتى كمان انسى الموضوع واتعاملى معاه على انكوا اصحاب زى الاول عادى يعنى
بس انا عايز اعرف بقى مين هو............ ومش هقول لحد